Америка ахада дональд Трамп иҳәамҭала, америкатә аруаа Венесуела алидер Николас Мадурои иҧҳәыси аанкыланы, атәыла иалыргалеит. Трамп ари атәы иҩит асоциалтә аҳаҽы.

„Америка, Венесуелеи уи алидер Николас Мадурои рганахьала қәҿиарала ажәылара мҩаҧнагеит, Мадурои иҧҳәыси аанкыланы, атәыла иалыргалеит. Ари аоперациа иалахәын Америка азинхьчаратә органқәагьы. Хара имгакәа адетальқәа зегьы еилкаахоит. Апрессконференциа мҩаҧысуеит иахьа, асааҭ 11:00 рзы, Мар-а-Лаго“, – иҩит Трамп.

Аларҵәара зауз адыррақәа рыла, америкатә аруаа Венесуела арратә базақәеи, атәыла абаҕәаза хадеи, апарламент ахыбреи ираахеит.

Венесуела анапхгара иаладырҵәаз аинформациа ала, ахада Николас Мадуро атәылаҿ аҷыда ҭагылазаашьа рылеиҳәеит. Аҳәмҭа ишану ала, атәыла зегьы  „аимпериалисттә агрессиа иаҿагылароуп. Венесуела ари ажәылара Америка ахарарҵан,  „арратә агрессиа“ иақәыӡбит. Дара ишырҳәаз ала, Вашингтон Венесуела анефҭи аминералқәеи рнапахьы иааргар рҭахуп.