Украина ахада  Владимир Зеленски иҳәамҭала, атәылақәа зегьы еидгыланы, рхақәиҭра ахьчара анрылшаша аамҭа ааит. Зеленски ари аҳәамҭа ҟаиҵеит Литва имҩаҧысуа аконференциа алаахәылацәа рахь авидеоааҧхьара аныҟаиҵоз.

«Урыстәылатәи ареваншистцәа наӡаӡа ирхашҭроуп Киеви, Вильниуси, Кишиниови, Варшавеи, Латвиеи, Литвеи, Қырҭтәылеи уҳәа уажәы урыстәылатәи ауаҩшьцәа идыршәар ирҭаху иарбанызаалак даҽа тәылаки. Ҳара уи ҟаҳҵар ҳалшоит. Абри аҭоурызтә шанс ҳамоуп», — иҳәеит Владимир Зеленски.

Зеленски ишазгәеиҭаза ала, агәра ганы дыҟоуп ари ашықәс азеиҧш аҕа иаҵархара шықәсны ишыҟало.

«Апланетаҿ дарбанызаалак аӡәы амлашьареи, арадиациатә катастрофеи, агрессиеи, атерроризми, жәларбжьаратәи зин аилагареи, адепортациеи, аекоциди рыла иқәмақарра ҟалом. Урыстәылоуп абри зегьы зхылҵуа. Ҳара уи аанаҳкылоит. Ҳаруаа- фырхацәа уи ҟарҵоит. Шәареи адунеи ҳацырхрааны, ҳара уи ҟаҳҵоит“, — иҳәеит  Зеленски.