2012 шықәсазы, ақырҭуа жәлар, Биӡина Иванишвили икомпетенциеи атәылазы ихмеигӡареи рбан, агәрагара изаадырҧшит, убри ашьаҭала атәылаҿы шьаҭанкылатәи аиҭакрақәа иалагеит, – иҳәеит Қырҭтәыла аҧыза-министр Иракли Кобахиӡе иахьатәи абрифинг аҿы.

Аиҳабыра рнапхгаҩы ишазгәеиҭаз ала, уи анеҩст 14 шықәса ҵит, ари агәрагара иаҳа иҕәҕәахеит, избанзар, иуадаҩӡаз ашықәсқәа рзы Биӡина Иванишвили иҟәышреи икомпромиссдатә патриотизми рыбзоурала, Қырҭтәыла  ауадаҩрақәа рацәа рыхгара алшеит.

„Биӡина Иванишвили иоуранагӡара иахылҵыз алҵшәа хадақәа иреиуп аҳәынҭқарратә институтқәа рырҕәҕәара. Убри аамҭазы,  атәыла аҳәаанырцәтәи аҕацәеи аҭыҧантәи рагентцәеи аҳәара иаҿуп атәылаҿы аҳәынҭқарратә институтқәа иҟам ҳәа,  уаҩҧсы заҵәык атәыла анапхгара аиҭоит ҳәа,   уи мцуп,  хаҭала сара сзы уи хьымӡҕуп. Убри аҟынтә,  иахьа хымҧада аилыркаарақәа ҟаҵатәуп ҳәа сгәы иаанагоит. Ганкахьала – аҳәынҭқарратә институтқәеи,  егьи аганахьала – атәыла анапхгара аҭара апроцесс аҿы Биӡина Иванишвили инаигӡо ароли салацәажәар сҭахуп.

Раҧхьа иргыланы,  иазгәаҭатәуп Биӡина Иванишвили анапхгаратә партиа аҳаҭыртә хантәаҩы шиакәу,  аполитхеилак дшалахәу. Абри аҭагылазаашьа ала анапхгаратә партиа   2024 шықәсатәи апарламенттә алхрақәа ирылахәын,  абри аҭагылазаашьа ала  ақырҭуа жәлар ҳпартиа агәрагара ҕәҕәа азаадырҧшит. Убри аҟынтә,  атәыла аполитикатә ҧсҭазаараҿы Биӡина Иванишвили ироль аформалтә ҵакы амам,  ари ароль адемократиатә легитимациа иашьаҭакуп“, – иҳәеит Иракли Кобахиӡе.