«Џьоукы ацәа иалоуп, ицәоуп. Хшыҩзышьҭра азыруам. Инеизакны иуҳәозар, зегьы ҿымҭ итәоуп: «Уи сара исыдкьыслом. Аибашьра џьара ихараны иҟоуп. Аҧсни Уаҧстәылеи –  уи ақырҭуаа рпроблемоуп, Ҟрыми Донбасси апроблема украинаа ирыӡбароуп. Ҳара уи иаҳусым. Ҳара ҳахь иаауам» ҳәа ргәы иаанагоит.  Аха, рыцҳарас иҟалаз,  арҭ апроблемақәа ҳазынтәгьы иаҳзеиҧшхеит», – иҳәеит Украина ахада Владимир Зеленски авидеоааҧхьараҿы.

«Знымзар зны аибашьра цәгьа агәаларшәара лабҿабарас иҟалоит. Агәыла агрессорс дҟалеит. Агрессор атеррористс дҟалоит, анацизм аҳра аиуеит. Уи асабрада ҿыц ала, алозунг ҿыцқәа рыла иааир ауеит, аха, уи ахықәкы аҽаҧсахуам.  Абри зегьы ашәҟәқәа ирным. Аха, ибзиаӡаны иаадыруеит ацәгьара ҳзааир шыҟало», — иҳәеит Украина ахада.

Иара иажәақәа рыла, аҵыхәтәантәи 24 сааҭ рыла Украина ахырхарҭала идәықәҵан 30 апилотдатә аппаратқәа, урҭ рҟынтә  23 украинаа икарыжьит.

«Ҳара ақәҧара наҳагӡоит, иаҳа ирацәаны икаҳажьуеит», — иҳәеит Зеленски.