Axios – Владимир Зеленскии Владимир Путини аҭынчратә еиҿцәажәарақәа рышьҭахь еиҧылар ҟалап

Аҭыжьымҭа ишану ала, америкатә аофициалтә хаҿқәа рҳәамҭала, ажьырныҳәа 23-24 рзы Иеиду Араҧтәи Аемиратқәа рҿы имҩаҧгаз Украинеи Урыстәылеи реиҿцәажәарақәа –  атәылақәа рхадацәа реиҧылара аиҿкаара иацхрааша шьаҿоуп.

Axios адыррақәа рыла, ажьырныҳәа  23-24 рзы,  Абу-Даби, Америка аҽалархәрала х-ганктәи аиҿцәажәарақәа мацара ракәымкәа, Украинеи Урыстәылеи рыбжьара ҩ-ганктәи аиҿцәажәарақәагьы мҩаҧган.