«Ҳара быжь-абжьагарак раҳҭеит, Еврокомиссиа ишьақәнарҕәҕәеит дара 3 абжьагарак шынарымгӡаз. Убри аҟынтә, уажәазы Украинаҟны аиҿцәажәарақәа ралагара иахәҭам», — иҳәеит Венгриа аҧыза-министр Виктор Орбан Евроеидгыла асаммит иалагаанӡа.

Виктор Орбан ишазгәеиҭаз ала, Евроеидгыла арҭбаара  – атеориатә зҵаарам, арҭбаара  – ақәҿиарақәа рышьаҭала имҩаҧысуа, аиуристтә ганахьала адетализациа зызу процессуп, уи ахатә аҳәарақәа амоуп.

«7 ҭагылазаашьак рҟынтә 3  инагӡам, сара шәсазҵаауазар, 3 иреиҳаны инагӡам, аха, 3 пункткгьы азхоит, аҷкәынцәа, шәара абжьагарақәа нашәымгӡеит, аиҿцәажәарақәа ралагаразы ашанс шәымам. Иаҳа икьасаны аҧара шәоур  еиҕьуп, зынӡаскгьы ишәмоур аасҭа. Ҳара абизнес аҟаҵаразы акәӡам абра ҳзыҟоу, абра ахәаахәҭра иаҭыҧым.  Ҳара аметодқәеи апринципқәеи шәыдаагалоит.  Украина аҧара аҭара мариоуп. Иааркьаҿны иуҳәозар, абиуџьетаҿ, акыраамҭалатәи аперспективаҿ Украиназы аҧара иҟоуп.  Убри аҟынтә уаҳа аӡбара ҟалом. Акыраамҭалатәи аперспективаҿы анҭыҵынтә иаҳа ирацәаны аҧара рыҭатәуп ҳәа сгәы иаанагоит», — иҳәеит  Орбан.