Қырҭтәыла адәныҟатәи аусқәа рминистр Мака Боҷоришвили лҳәамҭала, ақырҭуа аган Евроеидгыла абжьагарақәа ирыдҳәаланы рпозициа аадырҧшит.

Мака Боҷоришвили  лҳәамҭала, иацтәи аиҧылараҿы ақырҭуа аган, авизадатә режим аанкылара амеханизм иазкны  рпозициа аарҧшра акәын хықәкыс ирымаз.

«Уи раҧхьатәи аусуратә аиҧыларан, ҳара ҳпозициақәа еибаҳҳәеит. Ҳара хықәкыс иҳаман европатәи аган аинформациа рыҭареи авизадатә режим аанкылара амеханизм иазкны  ҳпозициа аарҧшреи.

Иҟало аабап. Евроеидгыла ҳара ицәыраагаз алегитимтә  мзызқәа иазҧхьагәарҭап ҳәа ҳгәыҕуеит», — илҳәеит  Боҷоришвили.

Қырҭтәыла Адәныҟатәи аусқәа рминистрра адыррақәа рыла, адипломатиатә паспортқәа змоу ахаҿқәа аамҭала авизадатә режим рзаанкылара иазку аӡбара адкыларазы иҵаҵгәырку аргументқәа иҟамызт, ари аӡбара ииашамызт.

Аусуратә гәыҧ алахәылацәа ишырҳәаз ала, Қырҭтәыла аиҳабыра Евроеидгылаҟны авизатә либерализациа апроцесс аҭышәынтәалара аиқәыршәара иазку апрактикатә зҵаарақәа аус рыдулара нарыгӡоит. Ақырҭуа аган даҽазнык ишьақәдырҕҕәеит патуеиқәҵара ашьаҭала Евроеидгыла аус ацура ишазыхиоу, иҳараку аҩаӡараҟны аполитикатә диалог амҩаҧгара аҵакы ду шамоу