Қырҭтәыла аҧыза-министр Иракли Кобахиӡе аофициалтә визитла Киргизиатәи ареспубликаҟа ддәықәлеит.

Аиҳабыра радминистрациа апресс-маҵзура адыррақәа рыла, Киргизиатәи ареспублика апрезиденттә аханаҿ Қырҭтәыла аҧыза-министр иҧылара аофициалтә церемониа мҩаҧгахоит. Иракли Кобахиӡе дидикылоит Киргизиатәи ареспублика ахада Садир Жапаров.

„Ҩ-тәылак рлидерцәа реиҧылара рхы аладырхәоит аҩ-ҳәынҭқаррак реиҳабырақәа рхаҭарнакцәа. Аиҧылара ашьҭахь, адокументқәа рнапаҵаҩра ацеремониа мҩаҧгахоит.  Қырҭтәыла аҧыза-министри Киргизиатәи ареспублика ахадеи амедиазы аҳәамҭақәа ҟарҵоит“, – иануп Қырҭтәыла аиҳабыра радминистрациа апресс-маҵзура аҳәамҭаҿы.

Бишкекҟа идәықәлаз Қырҭтәыла аиҳабыра рнапхгаҩы аделегациа ицуп. Аделегациа иалоуп авице-аҧыза, адәныҟатәи аусқәа рминистр Мака Боҷоришвилии, аекономикеи иҭышәынтәалоу аҿиареи рзы аминистр Мариам Қвривишвилии, аҧсабара ахьчареи ақыҭанхамҩеи рзы аминистр Давиҭ Сонҕулашвилии, аиҳабыра радминистрациа аиҳабы Леван Жоржолиании.