Swissôtel Kobuleti Beach Resort аргылара алагара афакт даҽазнык ишьақәнарҕәҕәоит ҳинвестициатә лагылазаара ишҭышәынтәалоу, уи азҧхьагәаҭара  шыҟало,  аинвесторцәа ишаднаҧхьало, –  иҳәеит Қырҭтәыла аҧыза-министр Иракли Кобахиӡе  Swissôtel Kobuleti Beach Resort аргылара алагара ацеремониаҿы данықәгылоз. 

Аиҳабыра рнапхгаҩы аинвесторцәа апроект алагара рыдныҳәаланы, ақәҿиарақәа рзеиҕьеишьеит. 

„Ҳтәылаҿы атуризм азҳара, ишиашо, иеиҭамҵуа амал аџьармыкьа аҿиара ианыҧшуеит. Ари аҭагылазаашьаҿы, ҳара зынӡаскгьы  даҽа динамикак ҳбоит  – амшын иаҧну арегионаҿ аҿиара апроцесс иаҳа-иаҳа иубарҭахоит, уи атәыла арегионқәа зегьы еиҟараны рҿиаразы аҵакы ҷыда амоуп. Иахьа ҳтәыла аҟәаратә цәаҳәа – асасдкылара бзиаӡеи, аҧсшьареи, аинвестициатә принципқәеи концепциак аҿы еидызкыло  алшара ҿыцқәа рқәыҧшыларас иҟалеит. Абарҭ астандартқәа ирышьашәалоуп Қобулеҭи аҟәараҿы инаҳагӡараны иҟоу апроект, уи  300 миллион адоллар иаҧсоуп. Ари апроект нагӡахоит Баҭымынтә минуҭқәак рыла уахьнеиуа аҭыҧаҿы, уигьы аҵакы ду амоуп избанзар, Қобулеҭи абри арегион идуӡӡоу атуристтә екосистема хәҭакны иҟалоит.  

Абри аус аҿы рҽеидыркылеит зыӡбахәы ҳәоу аусхкы аҿы азхаҵара ду змоу алидерцәа: аџьармыкьаҿы аҧхьагылара змоу ақырҭуа девелопертә еилахәыра    „Арқи“, жәларбжьаратәи аҩаӡараҟны идыру ақырҭуа девелопер „Неқсҭи“, иара убас, адунеитә гигант  – швеицариатәи абренд  „Swissôte“. Агәра ганы сыҟоуп абри аҩыза аилазаара ала ари апроект қәҿиарала ишынагӡахо.  

Апроект иалахәы апартниортә еилахәыра  „Арқи“ аҵыхәтәантәи аамҭазы идуӡӡоу жәларбжьаратәи аилахәырақәа аус рыцнауан, урҭ иреиуп  The Trump Organization-и анхарҭақәа рыргылараҿы адунеи алидер  BI Group-и, ари аусеицурагьы ибзиаӡаны иаанарҧшуеит жәларбжьаратәи аинвесторцәа ҳтәыла агәра шырго. Қырҭтәыла,  иаарту, ишәарҭам аекономикатә центр аҳасабала,  жәларбжьаратәи аинвестициатә хсаалаҿы ҕәҕәала аҽышьақәнарҕәҕәоит“, – иҳәеит Иракли Кобахиӡе. 

Аҧыза-министр иаҵшьны иазгәеиҭеит абас зымҽхак дуу  апроектқәа атәыла аекономика аҿиараҿы инарыгӡо ароль ду, иара ишиҳәаз ала, абри аҩыза аинициативақәа рыдгылара  аиҳабыра рзы аҧыжәара змоу зҵаароуп, избанзар, аинвестициатә проект ҿыцқәа рыбзоурала, атәылаҿы иҳаракӡоу жәларбжьаратәи астандартқәа шьақәгылоит, арегионқәа рекономикатә ландшафт еиҕьхоит, Қырҭтәыла атәылауаа аусуратә ҭыҧ ҿыцқәа роуеит. 

„Ҳара аекономикатә азҳара ду ҳамоуп. Аҵыхәтәантәи 5 шықәса ирылагӡаны, ҳтәылаҿы аекономикатә азҳара абжьаратә арбага  9.3 % иаҟароуп, ари атенденциа сынтәагьы инагӡоит. Аекономикатә азҳара аласра ду ахьчара аҵакы ду амоуп. Абри аҩыза апроектқәа ҳтәылаҿы аекономикеи атуризми рҿиара иацхраауеит. Убри аҟынтә, атәыла анапхгара, ирылшо ала, абизнессектор иацхраауеит абри аҩыза апроектқәа рынагӡараҿы“,- иҳәеит Иракли Кобахиӡе. 

Адевелопертә еилахәырақәа  „Арқии“,  „Неқсҭи”, адунеи еицырдыруа асасааирҭатә бренд  Swissôtel-и еицынарыгӡо апроект аҳәаақәа ирҭагӡаны, Қобулеҭи, премиум акласс иаҵанакуа асасааирҭеи анхарҭатә комплекси дыргылоит.  Swissôtel Kobuleti Beach Resort  аҿы 3 хыбрак дыргылоит – асасааирҭеи, анхарҭатәи аинвестициатәи аппартаментқәеи, иара убас, аҩныҵҟатәигьы адәахьтәигьы абассеинқәеи еиуеиҧшым аинфраструктуреи. Акомплекс аинвестициатә ахә  300 миллион адоллар иаҟароуп. 

Аҧыза-министри, аекономикеи иҭышәынтәалоу аҿиареи рзы аминистри, Аҷаратәи автономтә республика аиҳабыра рхантәаҩи, аинвесторцәеи, аргылара алагара инамаданы, ауасхыр асимволтә капсула аҵарҵеит. 

Аусмҩаҧгатә аҿы иқәгылеит Қырҭтәыла аекономикеи иҭышәынтәалоу аҿиареи рзы аминистр Мариам Қвривишвилии, Аҷаратәи автономтә республика аиҳабыра рхантәаҩы Зураб Патараӡеи,  „Арқи“ ашьаҭакҩы Илиа Ҵулаиеи,  „Неқст“ ашьаҭакҩы Каха Деваӡеи, Қырҭтәыла иҟоу  Accor авице-ахада  Арон Либинсони. 

Аусмҩаҧгатә аҿы иҟан анагӡаратәи,  азакәанҧҵаратәи, аҭыҧантәи мчреи абизнеси рхаҭарнакцәа.