«Қырҭтәыла  — ашколхәыҷы акәӡам, агхақәа рыриашара адуцалар ҟалом,  Қырҭтәыла  — ҳаҭыр зқәу ихьыҧшым ҳәынҭқарроуп, ҳара зехьынџьара, еилыкка уи ҳҳәеит», — иҳәеит Қырҭтәыла аҧыза-министр  Иракли Кобахиӡе.

Иара иажәақәа рыла,  Қырҭтәылантә ихьанҭаӡоу ашьаҿақәа рыҟаҵара ианаҳәозгьы, атәыла  ахатә аҳаҭыр иазықәҧон.

«Акоуп исҳәар исҭаху: аҳәынҭқарратә маӡаныҟәгаҩ Қырҭтәыла иазкны егь иҳәаргьы, уажәтәи аоппозициаа рзы уи акгьы аҵанакуам. Иахьазы аоппозициа зеиҧшҟамлац ала иҧсыҽуп.

Аҳәынҭқарратә маӡаныҟәгаҩи Америка администрациа ҿыци ҳрылацәажәозар, ҳара астратегиатә партниорра еиҭашьақәҳаргылар ҳҭахуп. Убри аҟынтә, адыргақәа зегьы агәыҕрала ҳарҧылоит. Дара визитла Қырҭтәыла ианыҟазгьы абри аҩыза адыргақәа ҳаҳаит, уи аоптимизм ду ҳнаҭоит, Қырҭтәылеи Америкеи рыбжьара астратегиатә партниорра еиҭашьақәгылап ҳәа ҳгәыҕуеит.

Егьирахь, зегьы аиҿцәажәарақәа ирхьыҧшуп. Ари азҵаара иазнеироуп аиашара апринцип ала», — иҳәеит  Кобахиӡе.

Аҧыза-министр иҳәамҭала, аҵыхәтәантәи ашықәсқәа рзы ақырҭуа-америкатә еизыҟазаашьақәа ҧхасҭахазар, уи Америка ҧасатәи администрациоуп изхароу.

«Ҳара астратегиатә партниорра аиҭашьақәыргылара иадҳәалоу адетальқәа зегьы рылацәажәара ҳазыхиоуп. Қырҭтәыла  — ашколхәыҷы акәӡам, агхақәа рыриашара адуцалар ҟалом,  Қырҭтәыла  — ҳаҭыр зқәу ихьыҧшым ҳәынҭқарроуп, ҳара зехьынџьара, еилыкка уи ҳҳәеит. Қырҭтәылантә ихьанҭаӡоу ашьаҿақәа рыҟаҵара ианаҳәозгьы, атәыла  ахатә аҳаҭыр иазықәҧон.  Ҳаҳаҭыр ахьчара абзоурала, ҳтәыла изҭагылар зылшоз ашәарҭақәа рацәа ҳрыцәцеит.

Ҧасатәи администрациа ихьанҭаӡаз аӡбарақәа рыдкылара ҳадарцалон, анеҩс, ақәыҕәҕәареи, ашантажи, ақырҭуа жәлари ақырҭуа ҳәынҭқарреи ирҿагылаз егьырҭ ашьаҿақәеи иҟан.

Аиашамрала иҧхасҭаз зегьы ариашара ҟалоит  азнеишьа иаша мацарала», — иҳәеит аҧыза-министр.