Иракли Кобахиӡе: Аҳәынҭқарра еилыкка аус ауеит, аҳәынҭқарратә актқәа зегьы ркьыԥхьуеит, амчра иреиҳау аҩаӡарақәа рҿы акоррупциа шьаҭанкыла иқәгахеит – ари аҳәынҭқарра аусура ихадоу алҵшәақәа иреиуоуп

Иракли Кобахиӡе: Аҳәынҭқарра еилыкка аус ауеит, аҳәынҭқарратә актқәа зегьы ркьыԥхьуеит, амчра иреиҳау аҩаӡарақәа рҿы акоррупциа шьаҭанкыла иқәгахеит – ари аҳәынҭқарра аусура ихадоу алҵшәақәа иреиуоуп.

“Амчра иреиҳау аҩаӡарақәа рҿы акоррупциа шьаҭанкыла иқәгахеит, иагьықәгахеит”, – ҳәа иҳәеит Қырҭтәыла аԥыза-министр Иракли Кобахиӡе, ашықәстәи аҳасабырба апарламент ахь инаигӡо.

Аԥыза-министр иажәақәа рыла, ари иҳаҩсыз ашықәс иалагӡаны Қырҭтәыла анаԥхгара аусура алҵшәа хадақәа иреиуоуп.

Қырҭтәыла аҳәынҭқарра аус ауеит агәаартрала. Аҳәынҭқарратә актқәа зегьы ркьыԥхьуеит. Агәаартра зегь раасҭа иеиӷьу амҩақәа иреиуоуп.

Иааизакны иуҳәозар, ари зегьы зызкыз ҳҳәынҭқарратә напхгаратә системаҿы акоррупциатә усқәа шьаҭанкыла рықәгара акәын. Ари иҳаҩсыз ашықәс иалагӡаны ҳусура ахықәкы хадақәа ируакын. Агәра ганы исҳәар сылшоит, сынтәа ари афундаменталтә хықәкы анагӡара шҳалшаз.

Сара даҽазныкгьы ааԥхьара ҟасҵоит, аҿагылаҩ иакәзаргьы, иаҿагылаҩымзаргьы, иҳаҩсыз ашықәс ииунь мза инаркны, акоррупциа иадҳәалоу агәҩара ыҟазар, аҳасабырбатә аамҭахәҭа азы фактк иадамзаргьы ааирԥшырц. Ҳара зегьы аҭакԥхықәра агара ҳазхиоуп. Сара ари азҵаара зныкымкәа исҭахьеит, аимак-аиҿакқәа раангьы, аха саҿагылаҩцәа уи аҩыза факткгьы рзаагара рылымшеит. Ҳара ҳзы, ари иреиҳау аҳәынҭқарратә ҩаӡарақәа рҿы акоррупциа шьаҭанкыла ишықәхыз азы иузаҿамгыло шьақәырӷәӷәароуп.

Жәаҳәарада, акоррупциа аҿагылара еиԥмырҟьаӡакәа имҩаԥгатәуп, еиҳарак еиҵоу аҩаӡарақәа рҿы, насгьы, ҳәарада, аҳәынҭқарра ԥхьаҟа ари аганахьала ахшыҩзышьҭра ааннамкылоит. Аха, даҽазныкгьы агәра ганы исҳәар сылшоит, аҳәынҭқарра иреиҳау аҩаӡарақәа рҿы акоррупциа шьаҭанкыла ишықәгахаз, насгьы уи иҳаҩсыз ашықәс иалагӡаны Қырҭтәыла аҳәынҭқарра имҩаԥнагаз аусура ихадоу алҵшәақәа иреиуоуп ҳәа», – ҳәа иҳәеит аԥыза-министр.