Америка администрациа ҿыц рпозициа ҧасатәи администрациа рпозициа еиҧшым, уи даараӡа ибзиоуп, – иҳәеит Қырҭтәыла аҧыза-министр Иракли Кобахиӡе ажурналистцәа данрацәажәоз.

Аиҳабыра рнапхгаҩы иҳәамҭала, абри зегьы аоптимизм азы ашьаҭа рнаҭоит.

„2020-тәии  2024-тәии ашықәсқәа ҳгәалаҳаршәап,  усҟан ҧасатәи администрациа ҳҳәынҭқарратә институтқәа рганахьала асаботажи абоикоти  иазҿлымҳан. Уажәы ишаабо ала,  ари апозициа иҧсахуп,  уи аҵакы ду амоуп.  Абри зегьы абзоурала,  астратегиатә партниорра аиҭашьақәыргылара ҳалшап ҳәа ҳгәыҕуеит.  Ҳара изныкымкәа уи рыдаагалахьеит“, – иҳәеит аҧыза-министр.

Иара убас,  Иракли Кобахиӡе ишиҳәаз ала,   „зегьы Қырҭтәыла амилаҭтә интересқәеи ажәлар ргәазыҳәареи  пату рықәырҵароуп, Америка ҧасатәи администрациа уи иазҧхьагәарҭомызт“.