Америка аиммиграциатәи ахазалхратәи хылаҧшра абаандаҩатәратә центр   (ICE) аҿы  Қырҭтәыла атәылауаҩ дыҧсит. АИХқәа рдыррақәа рыла,  43 шықәса зхыҵуаз  Мамука Артмелаӡе рашәара 4 рзы Луизиана аштатаҿ дыҧсит.

ICE адыррақәа рыла, Артмелаӡе иҧсы шмаҷхаз анырба, аҭыҧантәи амедицинатә центр ашҟа днаргеит, аха, аҳақьымцәа дырзеиқәыдмырхеит.

ABC News адыррақәа рыла, Артмелаӡе иҧсра зыхҟьаз амзыз макьана еилкаам, аӡбара-медицинатә експертиза мҩаҧысуеит.

ICE аинформациа ишану ала,  Артмелаӡе жәабран азы Орлеан Ҿыц аҿы имҩаҧгаз аоперациаан даанкылан.  Зыӡбахәы ҳәоу аоперациа акоммерциатә транспорт арныҟәцаҩцәа раанкыларазы имҩаҧган. Атәыла анапхгара ргәаагарагара, арҭ арныҟәцаҩцәа ауаажәларратә шәарҭадара иаҧырхагоуп.

« Америка аиммиграциатәи ахазалхратәи хылаҧшра ахаҭарнакцәа Артмелаӡе дааныркылеит иара Америка аҵакырадгьылаҿ аангыларазы азакәантә зин шимамыз анеилыркаа», — ирҳәеит аусбарҭаҿы.