«Қырҭтәыла Китаи аҟны аизыҟазаашьақәа аҵакы ду рананашьоит,  ҳара ҳпартниорреи ҩ-ганктәи ҳусеицуреи арҭбаара ҳазыразуп», — иануп Қырҭтәыла ахада Михаил Ҟавелашвили Китаитәи жәлартә республика ахантәаҩы Си Ӡиньпин издәықәиҵаз ашәҟәы аҟны.

Ашәҟәы аҟны Ҟавелашвили ишазгәеиҭаз ала, ақырҭуа-китаитәи аизыҟазаашьақәа зегьы зҵазкуа астратегиатә партниорра аҟынӡа рышьҭыхра абзоурала, атәылақәа русеицура иаҳа иҭбаахоит, уи аҩ-жәларык хырҳагара ду рзаанагоит.

«Шәаҳаракыра!

Хаҭала шәареи аиҩызаратә китаи жәлари гәыкала ишәыдысныҳәалоит ҳтәылақәа рыбжьара адипломатиатә еизыҟазаашьақәа рышьақәыргылара инаркны 34 шықәса аҵра.  Аҵыхәтәантәи ҩажәеижәаба шықәса ирылагӡаны  Қырҭтәылеи Китаии реизыҟазаашьақәа рҿы апрогресс ду иҟан, ҳаиҩызара аҿиара иаҿын патуеиқәҵареи, агәреибагареи, аконструктивтә усеицуреи рышьаҭала.

Адипломатиатә еизыҟазаашьақәа рышьақәыргылара амш инаркны Қырҭтәылеи Китаии рпартниорра дырҕәҕәон,  ахәаахәҭра, аинвестициақәа, атранспорттәи аинфраструктуратәи аимадара, акультура, аҵара  уҳәа, еиуеиҧшым аусхкқәа рҿы русеицура дырҭбаауан. Иаҳзеиҧшу аҽазышәарақәа рыбзоурала, ҩ-ганктәи ҳаизыҟазаашьақәа қәҿиарала аҿиара иаҿуп.

Қырҭтәыла Китаи аҟны аизыҟазаашьақәа аҵакы ду рананашьоит,  ҳара ҳпартниорреи ҩ-ганктәи ҳусеицуреи арҭбаара ҳазыразуп.

Гәахәара дула иазгәасҭар сҭахуп адипломатиатә еизыҟазаашьақәа рышьақәыргылара инаркны 34 шықәса аҵра амш азы, ҳара еицҳадаҳкылаз аӡбара инақәыршәаны, ақырҭуа-китаитәи аизыҟазаашьақәа зегьы зҵазкуа астратегиатә партниорра аҟынӡа ишышьҭыҵыз. Агәра ганы сыҟоуп зҵакы дуу абри ашьаҿа ҳтәылақәа русеицура арҕәҕәара ишацхраауа, ҳажәларқәа хырҳагара ду шырзаанаго.

Шәаҳаракыра, ақәҿиара дуқәа шәзеиҕьасшьоит, аиҩызаратә акитаи жәлар  — аҭынчреи, аҭышәынтәалареи, ашәҭыкакаҷреи рзеиҕьасшьоит.

Агәра шәсыргар сҭахуп даараӡа пату шшәықәысҵо», — иануп Михаил Ҟавелашвили ишәҟәы аҟны.