Лабҿаба иубарҭоуп уи баша ақьаад иану астратегиатә партниорра шакәым, ари апартниорра аҩ-тәылак аконкреттә хырҳагара рзаанагоит. Ҩ-тәылак рыбжьара иҿырҧшыгоу астратегиатә партниорра абас иҟазароуп, уи апатуеиқәҵареи, аиашареи, аҳаҭыри рышьаҭала ишьақәгылоит, аҩ-ганк хырҳагара рзаагара иазкуп, – иҳәеит Қырҭтәыла аҧыза-министр Иракли Кобахиӡе Қырҭтәылеи Китаии рыбжьара астратегиатә партниорра даналацәажәоз.

Кобахиӡе, иара ишиҳәаз ала, Китаи аҟны астратегиатә партниорра иазку аиқәшаҳаҭра Қырҭтәыла иазаанагаз алҵшәақәа дрылацәажәеит.

„Ишыжәдыруа еиҧш, иацы Қырҭтәылеи Китаитәи жәлартә республикеи астратегиатә партниорра иазку аиқәшаҳаҭра рыбжьарҵеит. Ари ахҭыс ҳтәылазы аҵакы ҷыда амоуп аполитикатә, иара убас, аекономикатә ганахьала.

Хышықәса раҧхьа ҳара астратегиатә партниорра иазку аиқәшаҳаҭра анҳадаҳкыла, ҳтәылақәа реизыҟазаашьақәа активла аҿиара иалагеит:

Иҳаҩсыз фымз мацарала Қырҭтәыла аҧыза-министри, Қырҭтәыла апарламент ахантәаҩи, 5ҩык аминистрцәеи визитла Китаи иҟан. Абарҭ авизитқәа зегьы аконкреттә хықәкқәа рыман.  Инеизакны иуҳәозар,  2023 шықәса анеҩс, Қырҭтәылеи Китаии зҵакы дуӡӡоу 14 жәларбжьаратәи аиқәшаҳаҭрақәа рыбжьарҵеит, даҽа ф-еиқәшаҳаҭрак рзы аиҿцәажәарақәа ахыркәшанӡа инеихьеит.

Китаи аҟны астратегиатә партниорра ҳтәыла хырҳагара ду азаанагеит. Лабҿаба иубарҭоуп уи баша ақьаад иану астратегиатә партниорра шакәым, ари апартниорра аҩ-тәылак аконкреттә хырҳагара рзаанагоит. Ҩ-тәылак рыбжьара иҿырҧшыгоу астратегиатә партниорра абас иҟазароуп, уи апатуеиқәҵареи, аиашареи, аҳаҭыри рышьаҭала ишьақәгылеит, аҩ-ганк хырҳагара рзаагара иазкуп.

Китаитәи жәлартә республика идуӡӡоу асуперҳәынҭқарроуп, аха, уезгьы, Китаи анапхгара, ирласӡаны, еффективла аусеицура иалагеит. Насгьы, зегьы реиҳа зыхә шьатәу – Китаи анапхгара ҳтәыла иахәаҧшуеит зинла еиҟароу, иаҧсоу апартниор аҳасабала. Иахьатәи аглобалтә политикаҿы аиашамрақәа анырцәоу аамҭазы ари афакт ҷыдала иубарҭоуп, уи иҳаракны ахә шьатәуп“, – иҳәеит Иракли Кобахиӡе.

Иракли Кобахиӡе иҳәамҭала, Қырҭтәыла аиҳабыра, Китаитәи жәлартә республикаҟны аусеицура арҭбаара аҵакы ҷыда анаршьоит, избанзар, уи иҳаҩсыз 50 шықәса ирылагӡаны, аҭынчратә суперҳәынҭқарра заҵәуп.