„Игл Ҳилси“ ҳареи аиқәшаҳаҭра анҳадаҳкылоз, Қырҭтәыла аиҳабыра, раҧхьа иргыланы, аҳәынҭқарратә интересқәа иазҧхьагәарҭеит, аҳәынҭқарра, изакәызаалак афинанстә ҭакҧхықәра ахы иаднамҵеит, афинанстә гарантиақәа раҳамҭеит“, – илҳәеит аекономикеи иҭышәынтәалоу аҿиареи рзы аминистр Мариам Қвривишвили.

Аминистр иажәақәа рыла,  „ҧаса, Қырҭтәыла ииашамкәа еиқәыршәаз аиқәшаҳаҭрақәа рацәан, урҭ иреиун аинвестициатә аиқәшаҳаҭрақәагьы  –  усҟан  аинвестор дуқәа  рхатә ҭагылазаашьақәа  ҳынагӡара ҳадарцалон“.

Мариам Қвривишвили ишазгәалҭаз ала, „Игл Ҳилс“ апроект ҽакалоуп ишыҟоу. Қырҭтәыла аиҳабыреи аинвестори ирыбжьарҵаз аиқәшаҳаҭраҿы аҳәынҭқарратә интересқәа ихьчоуп.

Адевелопертә еилахәыра  „Игл Ҳилс“ Қарҭи Гониои  $6,5 миллиард адоллар еиҳаны иаҧсоу 2 проект нанагӡоит. Аиқәшаҳаҭра инақәыршәаны, ари аилахәыра 33 наӡына Қырҭтәыла иатәуп.