Қырҭтәыла аекономикеи иҭышәынтәалоу аҿиареи рзы аминистр Мариам Қвривишвили Азиатәи аҿиара абанк адиректор Лесли Берман Лам уажәы имҩаҧысуа апроект дуқәа ирызкны длацәажәеит.

Аиҧылараан аганақәа рхаҭарнкцәа Қырҭтәылеи Азиатәи аҿиара абанки русеицураҿы аҧыжәара змоу ахырхарҭақәа ирылацәажәеит, урҭ иреиуп аенергетикеи, атәылауаҩратә авиациеи, атуризми, егьырҭ аусхкқәеи рҿы имҩаҧысуа апроектқәа.

Хшыҩзышьҭра ҷыда азун аенергетикатә сектор астратегиа арҿыцра ахымҧадареи ари ахырхарҭа аҿиаразы Азиатәи абанк аус ацура алшареи.

Иара убас, аганқәа рхаҭарнакцәа, атуризми атәылауаҩратә авиациеи аусхкқәа рҿы аусеицура иазааҭгылеит.  Лымкаала, Қарҭ, Вазиани аҳаирбаҕәаза ҿыц аргылара аекономикатә ганахьала иахьынӡахәҭоу иалацәажәеит.

Хазы иалкаан  жьҭаара 22-23 рзы Қарҭ имҩаҧысуа  «Абырфынтә мҩа » аиубилеитә форум. Азиатәи абанк ари афорум апартниорцәа иреиуп. Сынтәа афорум ихы алаирхәоит Азиатәи абанк авице-ахада  Ингмин Ианг.