Қырҭтәыла аекономикеи иҭышәынтәалоу аҿиареи рзы аминистр Мариам Қвривишвили Қырҭтәыла атәылауаҩратә авиациа аспециалистцәа рзанааҭтә амш рыдылныҳәалеит.

«Атәылауаҩратә авиациа Қырҭтәыла атуризми аекономикеи рырҕәҕәараҿы алагала ду ҟанаҵоит. Аиҳабыра имҩаҧырго аеффективтә политика иашеи аспециалистцәа русеицуреи рпрофессионализм дуи абзоурала, ҳара ари аусхкы аҿы зеиҧшҟамлац азҳара ҳамоуп. Активтә усура абзоурала, ақырҭуа авиациатә џьармыкьаҿ есышықәса авиаеилахәыра ҿыцқәеи ахырхарҭа ҿыцқәеи цәырҵуеит.

Уажәазы иҟоу адинамика бзиа иазҧхьагәаҭаны, атәыла авиациатә инфраструктура асистематә аҿиара ахырхарҭала  аусура ду мҩаҧысуеит. Абарҭ алҵшәақәа зегьы атәылауаҩратә авиациа аусхкы аҿы аус зуа апрофессионалцәа рџьабаа ду иабзоуроуп. Рызынтәгьы иахьатәи амш рыдысныҳәалар сҭахуп. Агәра ганы сыҟоуп, азеиҧш ҽазышәарақәа рыла, наҟ-наҟ иаҳа идуу ақәҿиарақәа шҳауа», — иануп Қвривишвили иҟалҵаз адныҳәалараҿы.