«Иаха ҳазынтәгьы ашьапылампыл ҳаиднакылеит, абарҭ ацәаныррақәа даараӡа иҕәҕәан», — иҳәеит аҳҭнықалақь ахада Каха Калаӡе Қарҭ аиҳабыра реилатәараҿы.

«2024 шықәса хәажәкыра 26 ахьтәы анбанқәа рыла  Қырҭтәыла ҳаамҭазтәи аҭоурых ианылоит. Ақырҭуа азгәыбылҩцәа   акыршықәса рыҩныҵҟа абри амш иазыҧшын. Ҳара имаҷымкәа алаҕырӡқәа каҳҭәахьеит, аха, арҭ алаҕырӡқәа, бжеиҳарала, ақәҿиарадареи, ацәыӡи, анигилизми ирыдҳәалан. Иацтәи ҳалаҕырӡқәа аиааира ду иабзоуран, азгәыдура алаҕырӡқәа, агәырҕьара ду алаҕырӡқәа ракәын.

Қырҭтәыла ауааҧсыра зегьы даҽазнык ирыдысныҳәалоит. Уи ақырҭуа шьапылампыл  аиааира мацара акәӡам,  уи атәыла зегьы аиааироуп. Хаҭала сара исықәҿиааит, иацы ҳаҷкәынцәа ргәырҕьара рыцеиҩысшаратәы алшара сыман. Астадионаҿ иҟаз азгәыбылҩцәа, Ареспублика ашҭаҿ иҟаз, аҩны ателевизорла ари аматч иахәаҧшуаз, ҳтәыла  ауааҧсыра зегьы абри ацәанырра ду рбеит, –  агәырҕьара, аиааира, апрогресс, ҳаҧсадгьыл еснагь аиааира аманы, игәырҕьаҵәа иҟазар сҭахуп.  Германтәыла имҩаҧысуа Европа ачемпионатаҿ ақәҿиара ҳауроуп. Қырҭтәыла аизга уи азыҳәан алшарақәа зегьы амоуп», — иҳәеит  Калаӡе.