«Инеизакны иуҳәозар, арадикалтә оппозициа зегьы  — аколлективтә  «Амилаҭтә ҵысра» ҳәа ззаҳҳәо мчык ауп, — иҳәеит Қырҭтәыла аҧыза-министр Иракли Кобахиӡе ажурналистцәа данрацәажәоз.

Кобахиӡе ишазгәеиҭаз ала, дара рызынтәгьы еиҧшуп, атактика аганахьала рҳәатәы еиқәшәом акәымзар.

«Алхрақәа рызныҟәашьа ҳалацәажәозар, алхрақәа ирылахәу 2 партиак иҟоуп, иара убас, алхрақәа рылахәызаара ачарҳәароуп ҳәа зҳәо даҽа 2 партиак иҟоуп. Ҳәарада, дара рхатә субиективтә интересқәа рымоуп.  Амилаҭтә ҵысреи уи адгылаҩцәеи хықәкык ауп ирымоу, жьҭаара 4 рзы Гахариеи  «Лелои» абжьқәа рмоур рҭахуп, убри азоуп жьҭаара 4 рзы амитинг зымҩаҧырго. Араҟа асубиективтә интересқәа иҟоуп, аха, егь уҳәаргьы, дара рызынтәгьы ҧшәымак дрымоуп», — иҳәеит  Иракли Кобахиӡе.

Иракли Кобахиӡе иҳәамҭала, аизара азин зегьы ирымоуп, аха, азакәан еилазго иахәҭоу аҭак иоуеит.

«Қырҭтәыла  — адемократиатә тәылоуп, ауаа зегьы аизара азин рымоуп, аха, азакәан аҳәаақәа ирҭагӡаны, аӡәы азакәан аилагара иҽазикыр, иахәҭоу аҭак иоуеит», — иҳәеит  Иракли Кобахиӡе.