Қырҭтәыла аҧыза-министр Иракли Кобахиӡе, Европатәи Ахеилак ахада Антонио Кошта иааҧхьарала, Европатәи аполитикатә уаажәларра  (ЕПС) асаммит ихы алаирхәоит. Аусмҩаҧгатә мҩаҧгахоит лаҵара 16 рзы,   Албаниа,  Тирана ақалақьаҿ.

ЕПС  6-тәи аконференциаҿы еизоит  50 раҟара аҳәынҭқаррақәа рлидерцәеи европатәии жәларбжьаратәии аинститутқәа рнапхгаҩцәеи. Дара европатәи ашәарҭадареи, аекономикатәи аенергетикатәи ҭышәынтәалареи, иара убас, азакәандаратә миграциеи иалацәажәоит. Иара убас, асаммит аҿы,  аинновациақәеи, аҧхьаӡацтә инфраструктуреи, атехнологиқәеи ирласны рҿиара азҵаара иазааҭгылоит.

Асаммит аадыртуеит апленартә аилатәарала. Аишәа гежь аформатаҿ атематикатә дискуссиақәа мҩаҧыргараны иҟоуп.  Иракли Кобахиӡе  европатәи ашәарҭадареи адемократиатә ҭышәынтәалареи иазку адискуссиа ихы алаирхәоит.

Қырҭтәыла аҧыза-министр Европатәи аполитикатә уаажәларра асаммит аҿы аделегациа ицзаауеит. Аделегациа иалоуп адәныҟатәи аусқәа рминистр Мака Боҷоришвилии аиҳабыра радминистрациа анапхгаҩы Леван Жоржолиании.