«Европатәи аполитикатә уаажәларра асаммит  — зҵакы дуу аусмҩаҧгатә ауп, ҳара ҳхадаратә амилаҭтә интересқәа ирыдҳәалоу азҵаарақәа ҳрылацәажәоит», — иҳәеит Қырҭтәыла аҧыза-министр  Иракли Кобахиӡе, иара Албаниа имҩаҧысуа Европатәи аполитикатә уаажәларра афбатәи асаммит далахәып.

Кобахиӡе иҳәамҭала, иара зегьы рҟны адиалог амҩаҧгара дазыхиоуп.

«Ари асаммит аҵакы ду амоуп, уаҟа еизоит европатәи атәылақәа зегьы рлидерцәа. Ҳара аишәа гежь аформатаҿ ақәгылареи, еиуеиҧшым аҳәынҭқаррақәа рлидерцәа рацәажәареи алшара ҳауеит. Ҳәарада, ҳмилаҭтә интересқәа ҳрылацәажәоит. Сара аганқәа зегьы рацәажәара сазыхиоуп, иҟало аабап. Ари аформат ҳтәыла аҿиареи, ҳтәылаҿ имҩаҧысуа апроцессқәеи, евроинтеграциеи рылацәажәара алшара ҳнаҭоит. Абарҭ атемақәа зегьы ҳрылацәажәоит», — иҳәеит аҧыза-министр.

Иара убас, аҧыза-министр ишазгеиҭаз ала, Қырҭтәыла акыршықәса ирылагӡаны арегионаҿ аҭынчра аиқәыршәара аус аҿы акрызҵазкәа ароль нанагӡоит.