Аҩныҵҟатәи аусқәа рминистрра  апартиа „Дроа“ алидер  Елене Хоштариа лаанкылара иадҳәаланы аофициалтә информациа аланарҵәеит.

Аминистрра адыррала, Елене Хоштариа  „Ақырҭуа гәахәтәы  – Адемократиатә Қырҭтәыла“ аҟынтә Қарҭ ахада иҭыҧаз акандидат иалхратә банер аҧхасҭатәразы даанкылоуп.

„Аҩныҵҟатәи аусқәа рминистрра аусзуҩцәа амаҭәар аҧхасҭатәразы дааныркылеит  1979 шықәсазы ииз Елене Хоштариа.

Аусеилыргара аматериалқәа инрықәыршәаны,  иаанкылоу Елене Хоштариа сынтәа цәыббра 14 рзы, Қарҭ, Мелиқьишвили имҩадуаҿ, апартиа  „Ақырҭуа гәахәтәы  – Адемократиатә Қырҭтәыла“ аҟынтә Қарҭ ахада иҭыҧаз акандидат иалхратә банер ҧхасҭалтәит.

Аусеилыргара мҩаҧысуеит Ашьауҕатә азинеидкыла  187-тәи ахәҭаҷла, амаҭәар аҧхасҭатәра ма ақәхра азы.

Ари ацәгьауразы  5 шықәсанӡа аҭакра иазҧхьагәаҭоуп“, – иануп Аҩныҵҟатәи аусқәа рминистрра иаланарҵәаз аинформациаҿы.