Аҩныҵҟатәи аусқәа рминистрра - Девдораки ишьақәыргылоу заанаҵтәи адырраҟаҵара асистема аҟынтә адырра ҟаҵан, агәаҭара-аушьҭратә пункт "Дариал" аусзуҩцәа зегьы аевакуациа рызуп, ашәарҭадара ахьчара амзызла амҩа иаркуп
Қырҭтәыла Аҩныҵҟатәи аусқәа рминистрра Аҭагылазаашьа ҷыдақәа рзы амаҵзура аҟынтә ишаарыцҳаз ала, аӡиас аҿы аӡы аҩаӡара ашьҭыҵра ацклаҧшразы Девдораки ишьақәыргылоу заанаҵтәи адырраҟаҵара асистема аҟынтә адырра ҟаҵан.
Амаҵзураҿы ишырҳәаз ала, апротокол инақәыршәаны, агәаҭара-аушьҭратә пункт “Дариал” аусзуҩцәеи, апатрультә полициеи, ахазалхратә маҵзура аусзуҩцәеи, аҭыҧаҿ аус зуа хазхаҭалатәи аилахәырақәа русзуҩцәеи аевакуациа рызуп.
«Аҭагылазаашьа ахылаҧшразы аҭыҧаҿ аус руеит Аҩныҵҟатәи аусқәа рминистрра иашьашәалоу аҟәшақәа.
Иара убас, апрофилактика амзызла, амҩа иаркуп», — иануп Аҩныҵҟатәи аусқәа рминистрра аҳәамҭаҿы.
