Қырҭтәыла аиҳабыра радминистрациа аиҳабы Леван Жоржолиани Жәларбжьаратәи авалиутатә фонд амиссиа ахаҭарнакцәа дырҧылеит.

Аиҧылараҿы аҳәынҭқарратә наплакқәа рреформа шымҩаҧысуа иалацәажәеит. Аиҳабыра радминистрациа аиҳабы ишиҳәаз ала, ареформа раҧхьатәи аетапаз, аенергетикатә еилахәырақәеи Қырҭтәыла аихамҩеи рҿы имҩаҧгаз аоптимизациа абзоурала, шықәсыкала,  52 миллион лари еиҳаны аиҷаҳара рылшеит.

Леван Жоржолиани Жәларбжьаратәи авалиутатә фонд амиссиа ахаҭарнакцәа инарҭбааны ирзеиҭеиҳәеит ареформа ҵакыс иамоу, иара ишиҳәаз ала, ари ареформа аҳәынҭқарратә наплакқәа анапхгара рыҭара асистема арҿыцра иазкуп.

Аиҧылараҿы ишазгәаҭаз ала, ареформа хықәкыс иамоуп аҳәынҭқарратә наплакқәа, адотациаҿы аҟазаара ацынхәрас, ахашәала ду аиуреи абиуџьет аҧара алаҵареи рылшаратәы аҭагылазаашьақәа рзеиқәыршәареи, аменеџьмент аиҕьтәреи, ахылаҧшратә хеилакқәа рырҕәҕәареи. Иара убас, аҳәынҭқарратә наплакқәа хазхаҭалатәи асектор азы конкурентцәас иҟамлароуп, уигьы аҵакы ду амоуп, избанзар, уи абзоурала, дара иаҳа еффективла аусура рылшоит, хышықәса рышьҭахь – 2028 шықәса анҵәамҭанӡа, акрызҵазкәа алҵшәақәа роуеит.

Аиҧылара рхы аладырхәит Жәларбжьаратәи авалиутатә фонд амиссиа анапхгаҩы Натали Мануиловеи, афискалтә шәарҭарақәа рхылаҧшра азҵаарақәа рзы арегионалтә абжьагаҩ Ианик Вели, афискалтә зҵаарақәа рзы адепартамент аамҭакьаҿлатәи аексперт Еврил Ҳалстеди, афискалтә зҵаарақәа рзы адепартамент аамҭакьаҿлатәи аексперт Сорана Бачуи.