Қырҭтәыла аҧыза-министр Иракли Кобахиӡе Китаи аҧыза-министр диҧылоит, – иҳәеит аиҳабыра радминистрациа аиҳабы Леван Жоржолиани Шанхаи ажурналистцәа данрацәажәоз.

Иара иҳәамҭала, аиҳабыра алахәылацәа зҵакы дуу азҵаарақәа ирыдҳәаланы амеморандумқәа рыдкылара алшара роуеит.

„Қырҭтәыла аҧыза-министр Китаи аҧыза-министр Ли Циан иааҧхьарала Китаи даҭааит. Иахьа иара Китаи аҧыза-министр диҧылоит. Иара убас, аиҳабыра алахәылацәа зҵакы дуу азҵаарақәа ирыдҳәаланы амеморандумқәа рыдкылара алшара роуеит. Убри адагьы, Қырҭтәыла аделегациа, асас ҷыда истатусла, Аекспорт жәларбжьаратәи ацәыргақәҵа аартра ацеремониа рхы аладырхәоит, уаҟа ицәыргахоит  40 иреиҳаны ақырҭуа аилахәырақәа раалыҵ. Ари авизит ҩ-ганктәи аизыҟазаашьақәа рырҕәҕәаразы аҵакы ду амоуп, ишыжәдыруа еиҧш, ҳареи Китаии астратегиатә партниорра ҳабжьоуп, ари авизитла астратегиатә партниоррагьы иазгәаҳҭоит”, – иҳәеит Леван Жоржолиани.