Қырҭтәыла аиҳабыра радминистрациа аиҳабы Леван Жоржолиани Қырҭтәыла иҟоу Германтәыла ацҳаражәҳәаҩ Петер Фишер диҧылеит.

Аиҧылараҿы аҵыхәтәантәи аамҭазы ҩ-тәылак реизыҟазаашьақәа рҿы иҟоу адинамика иалацәажәеит. Ишазгәаҭаз ала, Қырҭтәыла аиҳабыра иахьазы ҩ-тәылак рыбжьара иҟоу аизыҟазаашьақәа ргәаҧхом, ари аганахьала аҭагылазаашьа еиҕьхап ҳәа игәыҕуеит.

Аганқәа рхаҭарнакцәа Қырҭтәыла Адәныҟатәи аусқәа рминистррашҟа адипломат иааҧхьара иалацәажәеит. Ишазгәаҭаз ала, абри адипломатиатә шьаҿа аҟаҵаразы ашьаҭа иҟан. Аиҳабыра радминистрациа аиҳабы ишиҳәаз ала, Қырҭтәыла анапхгара  апартниор тәылақәа рҟны аизыҟазаашьақәа аҵакы ду ранаршьоит, адипломатиатә хаҭарнакцәа русура патуеиқәҵара ашьаҭала аусеицура апринципқәа ирышьашәаланы инагӡахап ҳәа игәыҕуеит.

Иара убас, аиҧылараҿы, Агрантқәа ирызку Қырҭтәыла азакәангьы иалацәажәеит. Германтәыла ацҳаражәҳәаҩ аиҳабыра радминистрациа аиҳабы диҳәеит Қырҭтәыла аиҳабыра, аҷыдалкаа аҳасабала, германтәылатәи аиҿкаарақәа  ақырҭуа иҳәынҭқарратәым аиҿкаарақәа агрантқәа рзоушьҭра азин рырҭарц. Леван Жоржолиани ацҳаражәҳәаҩ аилыркаарақәа ииҭеит агрантқәа раиуразы ақәшаҳаҭра аиура апроцедура иазкны. Жоржолиани ишазгәеиҭаз ала, азакәан зегьы рзы еиҟараны амч амоуп, убри аҟынтә, Қырҭтәыла аиҳабыра адискриминациатә азнеишьа иақәшаҳаҭхом.