«Евроеидгыла арҭбаара абзоурала адунеиаҿ ҳабжьы иаҳа иҕәәҕахоит, ҳара абри аҭоурыхтә алшара ҳхы иаҳархәароуп.  Ҳара Украинеи, Мраҭашәаратә Балканқәеи, Молдовеи раҳаҭыр аҟынтә уи наҳагӡароуп,  Қырҭтәылагьы ари апроцес нанагӡап ҳәа ҳгәыҕуеит», — илҳәеит Еврокомиссиа ахада Урсула фон дер Лаиен Карл ду ихьӡ зху жәларбжьаратәи  апремиа аҭара ацеремониаҿы данықәгылоз.

Урсула фон дер Лаиен ишылҳәаз ала, Евроеидгыла алалара – аихьӡарақәа рышьаҭала имҩаҧысуа процессуп.

«Евроеидгыла алалара зыӡбаз европатәи 3 ҳәынҭқаррак рыдкылара аморалтә хымҧадара мацара акәӡам, уи абзоурала Европа иаҳа иҕәҕәахоит, адунеи аҿы ҳабжьы иаҳа иҕәҕәахоит. Уи ахьыҧшызаара армаҷреи Европаҿ адемократиа арҕәҕәареи, ашәҭыкакаҷреи, аҭышәынтәалареи  иацхраауеит. Украинаҿ есымша иаабоит ахақәиҭра азықәҧара иаанаго. Ааи, уажәы аҭоурыхтә алшара ҳамоуп, уи ҳхы иаҳархәароуп.  Евроеидгыла арҭбаара абзоурала адунеиаҿ ҳабжьы иаҳа иҕәәҕахоит, ҳара Украинеи, Мраҭашәаратә Балканқәеи, Молдовеи раҳаҭыр аҟынтә уи наҳагӡароуп,  Қырҭтәылагьы ари апроцес нанагӡап ҳәа», — илҳәеит  Урсула фон дер Лаиен.