Аамҭа цәгьа ҳҭагылоуп, убри аҟынтә, ашьаҿа ҷыдақәа ҟаҵатәуп. Ҳаидгылара аҵакы ду амоуп. Уи Европазгьы Украиназгьы аҵакы ду амоуп, – илҳәеит Еврокомиссиа ахада Урсула фон дер Лаиен Евроеидгыла алидерцәа рсаммит иалагаанӡа ажурналистцәа данрацәажәоз.

Урсула фон дер Лаиен лҳәамҭала, Европа  ахыхьчара алшароуп.

„Европа ашәарҭара иҭагылоуп, убри аҟынтә, Европа ахыхьчара алшароуп, иара убас, Украина ҳацхраароуп, акыраамҭалатәи аҭынчра иаша ашьақәыргылара ҳацхраароуп.  Амч ахархәарала аҭынчра ҳҭахуп, убри аҟынтә, европатәи алидерцәа ирызцәырызгоит бџьарла аибыҭара аплан, уи ахыхьчара аусхкы 800 миллиард евро алаҵара еиқәнаршәоит. Евроеидгыла иалоу атәылақәа ахыхьчара аусхкы аҧара аларҵароуп, Украина ахыхьчаратә индустриа аҧара аларҵароуп, мамзаргьы, Украиназы абџьар аархәароуп. Уи Европа бџьарла аиҭеибыҭара иахылҵуа афеидоуп, уи Евроеидгыла бџьарла аиҭеибыҭароуп, иара убас, Украина бџьарла аибыҭароуп, ари атәыла ахатә хьыҧшымра ахьчара алшарц азыҳәан. Иахьа лабҿаба иааҳарҧшыроуп Украина ҳшадгыло, уи аҵакы ду амоуп“, – илҳәеит Урсула фон дер Лаиен.