Шәамахьтәыла аиҳабыра Синиук иалсны атранспорттә маршрут 99 шықәсала америкатә аилахәыра аҭара иазкны испаниатәи амедиа иаланарҵәаз аинформациа мап ацәыркуеит.

Шәамахьтәыла аиҳабыра иҟарҵаз аҳәамҭа инақәыршәаны, амедиахархәагақәак иаладырҵәо имцырку аинформациа  агибридтә еибашьреи апропагандатә манипулиациеи ауп.

„Зыӡбахәы ҳәоу астатиаҿы иану аинформациа ииашам. Шәамахьатәыла апозициа еилыкка аарҧшуп  „Аҭынчра амҩеихысырҭа“ апроект аҿы. Аҧыза-министр Никол Ҧашиниан ари азҵаара инарҭбааны далацажәеит ҧхынгәы  16 рзы имҩаҧигаз апрессконференциаҿы.  Амедиахархәагақәа зегьы рахь ааҧхьара ҟаҳҵоит адезинформациа аладмырҵәарц“, – иануп Шәамахьтәыла аиҳабыра иҟарҵаз аҳәамҭаҿы.

Испаниатәи  аҭыжьымҭа аинформациа аланарҵәеит Азербаиџьани, Шәамахьтәылеи, Америкеи Зангезуртәи акорридор америкатә еилахәыра анапхгара аҵаҟа ишыҟало азы еиқәшаҳаҭызшәа.