Иванишвили аханашҟа даиааит, сара иацәажәара сазыхиоуп, ҳаидтәаланы, аҿыц алхрақәа рыҿҳәара шҧаҳҵәаша ҳаӡбароуп, алхрақәа рымҩаҧгара арыцхә азы ҳаиқәшаҳаҭхароуп ҧхынҷкәын 29-нӡа, – илҳәеит Қырҭтәыла ахада Саломе Зурабишвили Русҭавели имҩадуаҿ имҩаҧысуа акциаҿы данықәгылоз.

Саломе Зурабишвили лҳәамҭала, лара аҭак дазыҧшуп.

Иара убас, Саломе Зурабишвили ишылҳәаз ала, абжьы аганахьала апроблема ахьцәырҵыз амшала,  лара уаҵәы Орбелианиаа рхан аҟынтә аҳәамҭа ҟалҵоит.

Уаанӡа Саломе Зурабишвили акциаҿы илҳәеит: „Сара ари атәылеи,  фышықәса раҧхьа ҭоуба ззызуз атәыла Аконституциеи аҵыхәанӡа срызгәыкзаауеит, ари Аконституциа иаҕрагылеит, аха, уезгьы, уи икамҳаит, Қырҭтәыла ишкамҳаз еиҧшҵәҟьа. Сара Қырҭтәыла зыхьчо ақырҭуа арбџьармчқәеи урҭ рветеранцәеи срызгәыкзаауеит, избанзар ақырҭуа ар уи иаҧызҵаз, изырҕәҕәаз апартниорцәа ирызгәыкуп. Сара ақырҭуа ар аҧыза-хадас сыҟоуп, сагьаанхоит. Ара игылоу ажәлар срызгәыкуп, ара игылоу мацара ракәымкәа, инеизакны ақырҭуа жәлар рхада соуп, сагьаанхоит“.