Џьоукы,  еиҧҟьарада исыҳәоит иҟам аплан рызцәырызгарц,  планк ауп иҳамоу, уи акзаароуп, — илҳәеит Қырҭтәыла ҧасатәи ахада  Саломе Зурабишвили Русҭавели имҩадуаҿ имҩаҧысуаз акциаҿы. Лара лажәақәа рыла,  уажәтәи аҭагылазаашьаҿы акзаароуп зегьы реиҳа ихадоу.

Саломе Зурабишвили лҳәамҭала,  лара хықәкы заҵәык ауп илымоу  — акзаарала ари атәыла аиқәырахара. Лара абахҭа иҭаку аҿари аоппозициатә лидерцәеи адгылара рзаалырҧшит.

«Арежим аиааира агара залшом,  уи убарҭоуп иахьа абра шәыҟазаара алагьы. Дара иҟарҵо зегьы азы аҭак заҵәык ҳамоуп  — уи акзаароуп. Даҽа ҭакк ҳамам. Џьоукы,  еиҧҟьарада исыҳәоит иҟам аплан рызцәырызгарц,  планк ауп иҳамоу, уи акзаароуп. Алҵшәа ҳауаанӡа абри аплан ҳақәныҟәоит, алҵшәа иахьагьы иубарҭоуп  — «Ақырҭуа гәахәтәы» абгара иалагеит Џьоукы,  еиҧҟьарада исыҳәоит иҟам аплан рызцәырызгарц,  планк ауп иҳамоу, уи акзаароуп,  дара еибафоит, агәреибагар рыбжьам, џьоукы амырхуеит,  даҽа џьоукы иамырхырц азыҳәан акоррупциа атема шьҭырхит.  Уи абжьааҧнытә, аклассикатә диктатуреи адиктатортә режимқәеи рҵыхәтәантәи стадиоуп, уи шәара шәиааироуп», — илҳәеит Саломе Зурабишвили.