«Иацы Ахаҭарнакратә палата иаднакылаз акт Америка аҳәынҭқарратә департамент иаднаҵоит урыстәылатәии китаитәии аҧшыхәратә маҵзурақәа Қырҭтәыла ралалареи иҟалар зылшо аусеицуреи ирызку ажәахә маӡа армазеира», — иҳәеит апартиа  «Лело» алахәыла Григол Гегелиа.

Иара иажәақәа рыла, ари афакт даҽазнык ишьақәнарҕәҕәоит Америка Қырҭтәылахь ахатә стратегиатә интерес шарҕәҕәо, аха, уи аамҭазы, дара ибзианы еилыркаауеит  «Ақырҭуа гәахәтәы» арежим аан атәыла аҕатә режимқәа рзы плацдармс ишыҟалаз.

«Иахьа ибзианы иаабоит Америка Қырҭтәыла ишахәаҧшуа ашәарҭара ахыҵҵырҭа аҳасабала.

Америка  «Абжьаратә корридори» Анаклиатәи апроекти рҿиара иазҿлымҳауп. Қырҭтәыла Трамп ипроекти, Амшын еиқәа ашәарҭадара аиқәыршәареи,  арегион аполитикатә ҭышәынтәалареи иалахәызар рҭахуп.

Апрактикала иуҳәозар, америкатә азакәанҧҵаҩцәа Аҩны шкәакәеи, Петагони, егьырҭ аинститутқәеи ирыдырҵеит Қырҭтәыла аҭагылазаашьа ҷыдала иахылаҧшырц», — иҳәеит  Григол Гегелиа.