Қырҭтәыла аҧыза-министр Иракли Кобахиӡе Азербаиџьантәи ареспублика аҧыза-министр Али Асадов диҧылеит.

Аиҧылараҿы Қырҭтәылеи Азербаиџьани рыбжьара астратегиатә партниорреи еиуеиҧшым аусхкқәа рҿы аусеицура арҭбаара аганахьала иҟоу адинамика бзиеи иалацәажәеит.

Иаҵшьны иазгәаҭан ахәаахәҭра-економикатә усеицуреи Қырҭтәылеи Азербаиџьани еицынарыгӡо, арегионалтә ҵакы змоу апроектқәеи рҵакы.

Аганқәа рхаҭарнакцәа Абжьаратә корридор аҿиара аҵаки ари ахырхарҭала апартниорра арҭбааразы иҟоу аперспективақәеи, иара убас, аенергетикатә шәарҭадара ахырхарҭала арегионалтә усеицура арҕәҕәареи иалацәажәеит.

Аҧыза-министр  даҽазнык ишьақәирҕәҕәеит Қырҭтәыла, адиалог ала, арегионаҿ акыраамҭалатәи аҭынчреи аҭышәынтәалареи аиқәыршәара ацхраара ишазыхиоу.

Қырҭтәылеи Азербаиџьани рҧыза-министрцәа еиҧылеит Аҭынчреи агәреибагареи жәларбжьаратәи ашықәс инамаданы Туркменистан имҩаҧысуа жәларбжьаратәи афорум аҳәаақәа ирҭагӡаны.