Амилаҭтә демократиатә институт (NDI) ауажәлар ргәаанагара аҭҵаара алҵшәа ҿыцқәа цәырнагеит.

Аиҿкаара адыррала, зыӡбахәы ҳәоу аҳасабырба еиқәыршәан ауааҧсыра аҭелла рацәажәара ашьаҭала. Аҭҵарақәа мҩаҧган Урыстәыла Украина иажәылаанӡа  (жәабран 3-15 рзы) , иара убас, урыстәылатәи интервенциа ианалага ашьҭахь ҩымчыбжь анҵы  (хәажәкыра 9-20 рзы).

«Иахьа ицәыргаз аҭҵаара инақәыршәаны,  Евроеидгыла алалара адгылара хәыҷык ишеиҵхазгьы, Қырҭтәыла ауааҧсыра реиҳара европатәии ероатлантикатәи хырхарҭа иадгылоит. Ауааҧсыра  75% Евроеидгыла алалара иақәшаҳаҭуп,  25%  ишырҳәаз ала, ари апроцесс иаҧырхагоуп аиҳабыра рган аҟынтә аполитикатә ҭаххара аҟамзаара.

НАТО алалара иадгылоит 69%.

Аҭҵаарақәа инрықәыршәаны, атәыла ауааҧсыра аинститутқәеи апартиақәеи рахь агәрагара рцәыӡуеит. Ауаа реиҳара ргәы ишаанаго ала, анапхгаратә партиагьы аоппозициагьы атәылеи ажәлари ринтересқәа ирызхәыцуам.