«Евроеидгыла, ҧасеиҧш, уажәгьы,  Қырҭтәыла иҟоу аимакқәа аҭынчмҩала рҭыҧқәҵара иадгылоит», — иануп Евроеидгыла апресс-маӡаныҟәгаҩ иҳәамҭаҿы.  Иара иҳәамҭа аланарҵәеит  Қырҭтәыла иҟоу Евроеидгыла ахаҭарнакра..

Аҳәамҭаҿ ишазгәаҭоу ала,  Евроеидгыла  Қырҭтәыла ахьыҧшымреи аҵакырадгьылтә акзаареи иадгылоит.

«2008 шықәсазы Қырҭтәыла иҟалаз аибашьра анеҩс жәибжь шықәса ҵит.  Евроеидгыла, ҧасеиҧш, уажәгьы,  Қырҭтәыла иҟоу аимакқәа аҭынчмҩала рҭыҧқәҵара иадгылоит.  Урыстәыла ала импыҵахалоу Қырҭтәылатәи арегионқәа  рызхаҵара ҳақәыӡбоит. Арҭ арегионқәа рҿы жәларбжьаратәи зин еилагоуп. Урыстәыла 2008 шықәса нанҳәа 12 рзы ахы иаднаҵаз аҧхықәрақәа нанагӡом.  Ахҵәацәа уажәгьы аҩныҟа ахырҳәра алшара рымам.

Евроеидгыла арҭ аимакқәа рҭыҧқәҵара апроцесс активла иалахәып. Женеватәи аиҿцәажәарақәа реицхантәаҩцәа ҳреиуп. Ари аформат аҭыҧқәа рҿы ашәарҭадареи аҭышәынтәалареи аиқәыршәаразы ахадаратә ҵакы амоуп..  Женеватәи аиҿцәажәарақәа ирылахәу аганқәа зегьы рахь ааҧхьара ҟаҳҵоит   2008 шықәса нанҳәа 12 рзы аганқәа еицрыдыркылаз аиқәшаҳаҭра анагӡара апроцесс активла иалахәызаарц.

Евроеидгыла даҽазнык ишьақәнарҕәҕәоит Қырҭтәыла ахьыҧшымреи аҵакырадгьылтә акзаареи ишадгыло Евроеидгыла, ҧасеиҧш, уажәгьы,  Қырҭтәыла иҟоу аимакқәа аҭынчмҩала рҭыҧқәҵара ишадгыло, арегион аҭышәынтәалареи аимакқәа рҭыҧқәҵареи иазку аҽазышәарақәа зегьы ишрылахәу», — иануп Евроеидгыла апресс-маӡаныҟәгаҩ иҳәамҭаҿы.