«Қырҭтәыла агеополитикатә ҭагылазаашьеи, акандидат-тәылас аҟалара азыхиазаареи, абжьагарақәа рынагӡара апроцесси иазҧхьагәаҭаны иуҳәозар, ҳтәыла, иашаҵәҟьаны, акандидат астатус ахәҭоуп», — илҳәеит Қырҭтәыла апарламентаҿ иҟоу европатәи аинтеграциа акомитет ахантәаҩы  Мака Боҷоришвили.

Лара лажәақәа рыла, уи   27 ҳәынҭқаррақәа ирыдыркылараны иҟоу  аполитикатә аӡбароуп.

«Қырҭтәыла ҵыҧхгьы акандидат астатус ахәҭан, избанзар, агеополитикатә ҭагылазаашьеи атехникатә аҳәарақәеи иазҧхьагәаҭаны, Қырҭтәыла,  акандидат астатус зауз атәылақәа ираҵахом.

Уажәшьҭа ҳара, хымҧада иазҧхьагәаҳҭароуп абжьагарақәа рынагӡаразы Қырҭтәыла иҟанаҵаз ашьаҿақәагьы. Ари ахырхарҭала апрогресс ду ҳамоуп. Инеизакны иуҳәозар, Қырҭтәыла, иашаҵәҟьаны, акандидат-тәыла астатус ахәҭоуп. Аха, еиҭасҳәар сҭахуп, уи   27 ҳәынҭқаррақәа ирыдыркылараны иҟоу  аполитикатә аӡбароуп», — илҳәеит  Мака Боҷоришвили Қырҭтәыла Акәи аканал аинтервиу аналҭоз.