Адәныҟатәи аусқәа рминистр Мака Боҷоришвили лаҵара 13-14 рзы  Лиуқсембург имҩаҧысуа   Европа Ахеилак аминистрцәа ркомитет  134-тәи асессиа лхы алалырхәоит.

Қырҭтәыла Адәныҟатәи аусқәа рминистрра адыррақәа рыла, аиҧылара алахәылацәа агеополитикатә контекст ҿыц аҿы Европа Ахеилак ароли Реикиавиктәи адекларациала иазҧхьагәаҭоу азҵаарақәеи ирылацәажәоит.

Мака Боҷоришвили асессиа алахәылацәа рҿаҧхьа дықәгылоит, иара убас, Европа Ахеилак Аминистрцәа ркомитет ахантәаҩы,  Лиуқсембург Агерцогра Ду авице-аҧыза-министр, адәныҟатәи аусқәеи адәныҟатәи ахәаахәҭреи рзы аминистр  Ксавие  Беттель иааҧхьарала, Европа Ахеилак Амаӡаныҟәгаҩ хада иинициатива  «Европазы адемократиа иазку апакт ҿыц» иазку атематикатә дискуссиа лхы алалырхәоит.

Асессиа аҳәаақәа ирҭагӡаны, ҩ-ганктәи аиҧыларақәагьы мҩаҧысуеит.