«Қырҭтәылеи Азербаиџьани рстратегиатә партниорра шьақәгылеит  ақырҭуааи азербаиџьанцәеи реиҩызара ҕәҕәа ашьаҭала. Ҳпартниорра интенсивла аҿиара иаҿуп», — илҳәеит Қырҭтәыла адәныҟатәи аусқәа рминистр Мака Боҷоришвили азербаиџьантәи лколлега Џьеихун Баирамови лареи еицымҩаҧыргаз апресс-конференциаҿы.

Мака Боҷоришвили Џьеихун Баирамов Қырҭтәылаҟа ааҧхьара илҭеит.

«Гәахәарала иазгәасҭар сҭахуп Азербаиџьан Қырҭтәылазы зҵакы дуу аекономикатә партниорцәа ишреиу. Ҳтәылақәа рыбжьара аекономикатә усеицура иаҳа иҕәҕәахап ҳәа сгәыҕуеит, уи арегионаҿ Қырҭтәылеи Азербаиџьани рпозициақәа иаҳа рырҕәҕәара иацхраауеит.

Ҳәарада, ҳара Қырҭтәылеи Азербаиџьани еицынарыгӡо апроект дуқәа ҳрылацәажәеит. Арҭ апроектқәа аҭоурыхтә ҵакы рымоуп, ҳаҧхьаҟа иаҳа зҵакы дуу апроектқәа рынагӡаразы ашьаҭа ҕәҕәа аҧырҵоит», — илҳәеит  Мака Боҷоришвили.