Апартиа  „Ақырҭуа гәахәтәы“ аҟынтә Қарҭ ахада иҭыҧаз акандидат Каха Калаӡе Наӡаладеви араион ауааҧсыра дырҧылан, дара рахь ааҧхьара ҟаиҵеит Сакребуло амажоритартә кандидатцәа ирыдгыларц. Каха Калаӡе данықәгылоз, аҳҭнықалақьаҿ имҩаҧыргараны иҟоу апроектқәа дрылацәажәан, ари араион иқәынхо ауааҧсыра анапхгаратә гәыҧ адгыларазы ҭабуп ҳәа реиҳәеит.

„Ҳара ҳазынтәгьы ҳтәыла ахьыҧшымреи асуверинитети рыхьчара ҳазықәҧоит. Ҳәарада, ари ақәҧараҿы ҳазынтәгьы ароль ду наҳагӡоит. Ҳазынтәгьы ибзианы еилаҳкаауеит аҭынчра иҟамкәа атәыла аҿиара шамоуа. Ҳара аҭынчра ҳазымқәҧазҭгьы, иахьа аҳҭнықалақьаҿ инагӡатәу апроектқәа ҳазрылацәажәомызт. Ҳара ҳзы ажәыларақәеи, ақәмақарреи иахьагьы инагӡоит, аха, уезгьы, ҳпозициа ҕәҕәазароуп, раҧхьа иргыланы, ҳара ҳтәылеи ҳажәлар ринтересқәеи ҳахьчоит. Ҽакала изыҟалом. Ҳәарада, ҳара аҳәаанырцәынтә адҵақәа рынагӡара ҳгәы иҭам,  ҳаҕацәа роуп арҭ адҵақәа ҟазҵо, избанзар, аҩыза иуеиҳәом утәылаҿы аибашьра уалага ҳәа“, – иҳәеит Каха Калаӡе.

Аиҧылара рхы аладырхәит Қарҭтәи алхратә штаб аиҳабы Леван Маҷавариании Наӡаладеви араион амажоритартә кандидатцәеи.

Ари аинформациа аланарҵәеит  „Ақырҭуа гәахәтәы“ апрессмаҵзура.