«Ҳполитикатә хәаҧшырақәа еиҧшымзаргьы ауеит, аха, стәыла атәылауаҩ абри аҩыза аҭагылазаашьаҿы ибара уадаҩуп, уи даараӡа  сгәы иалоуп», — иҳәеит Қарҭ ахада иацы алхратә штаб аҧхьа имҩаҧгаз акциа даналацәажәоз.

Каха Калаӡе иҳәамҭала, атәылауаа  «Ақырҭуа гәахәтәы» алахәыла Беқа Одишариа иацәҳауан, иаҳаҭыр ладырҟәон, абри аҩыза ахымҩаҧгашьа ирҧхашьагоуп.

«Ирҧхашьагоу афакт ҟалеит. Маикл Џьексон иҧсы ҭазҭгьы, арҭ ауаа дрыхәаҧшны, дара рҽалархәрала  «Триллер»  аханатә иҭихуан. Агримгьы акостиумқәагьы рҭаххомызт. Абжьааҧнытә   «титушкақәа» роуп. Арҭ ауаа аламыси акультуреи рцәыӡит. Ҳполитикатә хәаҧшырақәа еиҧшымзаргьы ауеит, аха, стәыла атәылауаҩ абри аҩыза аҭагылазаашьаҿы ибара уадаҩуп, уи даараӡа  сгәы иалоуп, даараӡа ирыцҳасшьоит. Ҳполитикатә хәаҧшырақәа ирхьыҧшымкәа, ҳара ҳҳаракны ҳгылазароуп, ҳкультуреи ҳтрадициақәеи пату рықәаҳҵароуп, ажәалагьы махәҿалагьы ҳаиҿамгылароуп» — иҳәеит Қарҭ ахада.