Арҭ ахада Каха Калаӡе асоциалтә аҳаҿы авидеоааҧхьара ҟаиҵан, ишиҳәаз ала, Қарҭ ахадара Ҭвалҷрелиӡе имҩаҿ имҩаҧысуа апроцесс алахәым, избанзар, ари ахыбра амуниципалитет иатәым, иара убас, иара ари акорпус иамоу аҧхасҭа ду зныҧшуа афотоҭыхымқәа цәыригеит.

„Ибзианы ижәбар сҭахуп ҳазлацәажәо акорпус аҧхасҭа ду шамоу, уа анхара шәарҭоуп. Абри акорпус аҟынтә ауаа мчыла риагара ацәгьауразаап.   Уажәааны Авокзалтә ашҭаҿ иҟоу аҩны хәҭак анеилаҳа, изакәытә харадҵарақәоу иаҳзықәдыргылаз шәгәалашәоит.  Авокзалтә ашҭа аҟынтә ауаа мчыла изиажәымгеи ҳәа иҳацәҳауаз аоппозициатә експертцәа  иахьа аргама аҳәара иаҿуп аҩбатәи актегориа иаҵанакуа ахыбрантә ауаа мчыла риагара ацәгьауроуп ҳәа. Насгьы, ари анхарҭа арҭ ауаа иртәым, дара хатәгәаҧхарала ари ахыбра иҩналеит. Шәыҩны аӡәы мчыла дыҩналар, шәара аҳәынҭқарра шәадымҵаалои, аҳәынҭқарра акгьы ҟанамҵар ииашоума? Абри ауп уи иаанаго“, – иҳәеит Каха Калаӡе.

Иара аоппозициа ахаҭарнакцәеи амедиахархәагақәеи рахь ааҧхьара ҟаиҵеит ари азҵаара иадҳәаланы ииашам  аинформациа аларҵәара иаҟәыҵырц.