Аоппозициаа атәыла анҭыҵынтә абри адҵа роуит.  Уажәшьҭа  „Фарагьы“ аурыс закәануп ҳәа аҳәара иалагеит. Ҳәарада, дара аҳәаанырцәынтә ари адҵа роуит, – иҳәеит аҳҭнықалақь ахада Каха Калаӡе.

Иара иажәақәа рыла, аоппозициаа абри рҽазышәарагьы алҵшәа ахылҵуам.

„Ҳәарада, ари аҽазкрагьы алҵшәа ахылҵуам, избанзар, аӡбара анҳадаҳкылоз, иаҳҳәеит акыршықәса ирылагӡаны Америка амч змоу азакәан акопиа шыҟаҳҵо. Ҳәарада, аартызаара аҵакы ду амоуп.  Еиуеиҧшым аиҿкаарақәа  маӡала аҧара роуон. Аҳәынҭқарратә аарҳәразы аҳәаанырцәынтә аҧара рзоурышьҭуан. Абри зегьы аҵыхәа ҧҵәатәуп, ҳуааҧсыра абарҭ азҵаарақәа рзы аҭак роуроуп, арҭ апроцессқәа иаартны имҩаҧысроуп“, – иҳәеит Каха Калаӡе.

Уажәааны иҳәынҭқарратәым аиҿкаарақәеи амедиахархәагақәеи еицыҟарҵаз аҳәамҭа  иануп: „Америка амч змоу азакәан  „Фара“ ихьыҧшым иҳәынҭқарратәым аиҿкаарақәеи зхы иақәиҭу амедиеи русура иаҧырхагам. Иванишвили анапхгара ззиуа азакәандаратә мчра атәылауаҩаратә сектор иаҿагыланы  аурыс закәан рхы иадырхәар рҭахуп“.