«Украина аибашьра инагӡоит, ауаа ҭахоит, убри аамҭазы – европатәи абиурократиа аус рыцыруеит,  агәра шәсыргар сҭахуп уи аукраин жәлар рацәак ргәы арҭынчом», — иҳәеит Қырҭтәыла аҧыза-министр Баҭым ажурналистцәа данрацәажәоз.

Аҧыза-министр иажәақәа рыла, «Қырҭтәыла ари асценари аҽацәыхьчара алшеит, убри амшалоуп   «Диҧ сҭеиҭ» Қырҭтәыла иазгәааны изыҟоу.

«Диҧ сҭеиҭ» европатәи аструктурақәа ирыднаҵеит Украина аибашьра иҵегьы инагӡаратәы иҟарҵарц. Ҧаса ари апроцесс америкатә структурақәагьы иалахәын. Уажәы Диҧ сҭеиҭ адҵала, Украина аибашьра нагӡаратәы иҟарҵоит. Аиҿкаарақәа аҧара рзоушьҭра аганахьала абри аҩызаҵәҟьа аҭагылазашьа иҟоуп. Америкатә фондқәа аҳәынҭқарра иаҿагыло апроцессқәа аҧара рзоушьҭра иаҟәыҵит, ҳара ҳтәылаҿгьы, аха, европатәи аструктурақәа ари афункциа рхы иадырҵеит. Ҧаса 2 фронтк рҟынтә иаҳжәылон, аха ҳмилаҭтә интересқәа рыхьчара ҳалшеит. Европатәи аструктурақәеи европатәи абиурократиеи ҳтәыла иаҿагыло аусқәа аҧара рзоушьҭра иаҟәымҵыр, уи азгьы аҭак раҳҭоит.  Ҳара аҵыхәанӡа ҳмилаҭтә интересқәа ҳахьчароуп.  «Диҧ сҭеиҭ» ахатә интересқәа амоуп, урҭ рынагӡаразы европатәи абиурократиа рхы иадырхәоит. Ҳаргьы ҳмилаҭтә интересқәа ҳамоуп, урҭ аҵыхәанӡа иҳахьчоит.  Украина иҟалаз ҳтәылаҿы иҟамлароуп. Украина аибашьра инагӡоит, атәыла ирбгоуп, ауаа ҭахоит. Ҳәарада, уи аамҭазы, дара европатәи абиурократиа аус рыцыруеит.  Аха,   агәра шәсыргар сҭахуп уи аукраин жәлар рацәак ргәы шмырҭынчо. Ҳара аҩбатәи афронт аҽацәыхьчара ҳалшеит, убри амшалоуп иҳазгәааны изыҟоу», — иҳәеит аҧыза-министр.