Ҳәарада, арадикалтә оппозициеи Саломе Зурабишвилии исериозу планк рызцәырыргом, ҧхынҷкәын  29 рзы лмаҵзураҭыҧ аанлыжьроуп, лыҧсҭазаара ахьыналыгӡо ҳбап, ахақәиҭраҿ акәу абахҭаҿ акәу, — иҳәеит Қырҭтәыла аҧыза-министр Иракли Кобахиӡе иахьатәи апрессконференциаҿы.

Аиҳабыра рнапхгаҩы иҳәамҭала, Саломе Зурабишвили ари аҭыҧаҿ мчыбжьык ауп илзаанхаз, мчыбжьык ала акгьы лзыҟаҵом.

«Аиашаз, европатәи аполитикцәақәак ирҳәоит ҧхынҷкәын  29-нӡа иҟалар зылшо рацәоуп ҳәа, аха, агәра шәсыргар сҭахуп ҧхынҷкәын  29-нӡа акгьы шыҟамло, Қырҭтәылаҿ  «дип стеит» аиааира агара залшом, арадикалтә оппозициа  аиааира агом. Убри аҟынтә, арадикалтә оппозициаа ҧхынҷкәын 29-нӡа изакәызаалак планк рызцәырыргом.  Ҧхынҷкәын  29 рзы Саломе Зурабишвили лмаҵзураҭыҧ аанлыжьроуп, лыҧсҭазаара ахьыналыгӡо ҳбап, ахақәиҭраҿ акәу абахҭаҿ акәу», — иҳәеит аҧыза-министр.