«Қырҭтәыла, ҧасеиҧш уажәгьы, арегионаҿ аҭынчреи аҭышәынтәалареи аиқәыршәара ацхраара иазыхиоуп,  уи ҳтәылақәа рҿиаразы зда ҧсыхәа иҟам ҭагылазаашьоуп», – иҳәеит Қырҭтәыла аҧыза-министр Иракли Кобахиӡе Қырҭтәылеи Шәамахьтәылеи рыбжьара аекономикатә усеицура Аиҳабырабжьаратә комиссиа 14-тәи аилатәараҿы данықәгылоз.

Иара иажәақәа рыла, Қырҭтәыла, арҭ азҵаарақәа ирыдҳәаланы, ашәамахь аҩызцәеи апартниорцәеи аус рыцура иазыхиоуп.

«Қырҭтәылеи Шәамахьтәылеи дара-дара рхьыҧшымреи рҵакырадгьылтә акзаареи иадгылоит. Иаҳзаашәырҧшуа адгыларазы ҭабуп ҳәа шәасҳәар сҭахуп», – иҳәеит аҧыза-министр.

Иракли Кобахиӡе ишиҳәаз ала, Қырҭтәыла аиҳабыра аинвестициатә лагылазаареи абизнеслагылазаареи аиҕьтәразы активла аусура нарыгӡоит.

«Ашәамахь инвесторцәа Қырҭтәыла иазҿлымҳауп, ҳара уи даараӡа ҳаигәырҕьоит. Ҵыҧх Қырҭтәылаҿ ашәамахь инвестициақәа азҳаит  40 %-ла. Ҳтәылаҿы ашәамахь инвесторцәа ирзыманшәалоу аҭагылазаашьақәа реиқәыршәаразы иаҭаху зегьы ҟаҳҵоит.

Уи азыҳәан, ҳара атәым инвесторцәа ирызку аконкреттә еффективтә механизмқәа ҳамоуп. Урҭ рхархәарала, ҳара, ҳтәылаҿ иаҳа ирацәаны ашәамахь инвесторцәа ҳрыдгылар  ҳалшоит, дара уи иазҿлымҳахар», – иҳәеит аҧыза-министр.