Шықәсқәак ирылагӡаны 4 еибашьраки,  9 шықәса рыҩныҵҟа Қырҭтәыла асуверинитет аилагареи, ашьатә авторитаризми ҳхаагеит, аха, ахақәиҭра бзиа избо ақырҭуа жәлар ргәазыҳәара нагӡахеит, Қырҭтәыла ахатә хьыҧшымреи, ахақәиҭреи, адемократиеи  архынҳәит, уи абзоурала, иахьа ҳтәыла аҿиареи европатәи аҭаацәара алалареи азы ашьаҭа ҕәҕәа аҧҵоуп, – иҳәеит аҧыза-министр Иракли Кобахиӡе  аруаҩҿыццәа рыла ҭоубашьҭаҵара ацеремониаҿы данықәгылоз.

Аиҳабыра рнапхгаҩы ишазгәеиҭаз ала, Қырҭтәыла хнызқьшықәсатәи аҭоурых амоуп, Қырҭтәыла аҳәынҭқаррара  – 2300 шықәса ахыҵуеит.

„Ҳтәыла хәыҷы аҳәынҭқарра дуқәа рымҩеихысырҭаҿы ишьҭоуп. Қырҭтәылеи ақырҭуа жәлари рымҩа ахаангьы имариамызт. Аха, ақырҭуаа еснагь агәра ганы иҟан ақьырсиантә милаҭ ҷыда шҳакәу, абри агәрагароуп ҳтәыла иахьанӡа иаазгаз. Ҳакәша-мыкәша аимпериа дуқәа каҳауан, аха, Қырҭтәыла иахьагьы ҕәҕәала ашьапы иқәгылоуп.

Шықәсқәак ирылагӡаны 4 еибашьраки,  9 шықәса рыҩныҵҟа Қырҭтәыла асуверинитет аилагареи, ашьатә авторитаризми ҳхаагеит, аха, ахақәиҭра бзиа избо ақырҭуа жәлар ргәазыҳәара нагӡахеит, Қырҭтәыла ахатә хьыҧшымреи, ахақәиҭреи, адемократиеи  архынҳәит, уи абзоурала, иахьа ҳтәыла аҿиареи европатәи аҭаацәара алалареи азы ашьаҭа ҕәҕәа аҧҵоуп

Ҳара ҳазынтәгьы Қырҭтәыла ахьыҧшымра ахьчареи арҕәҕәареи азы иҳалшо зегьы ҟаҳҵароуп. Иныҳәазааит ихьыҧшым,  иаку Қырҭтәыла ҕәҕәа! Ҳаҧсадгьыл Анцәа дахылаҧшааит“, – иҳәеит аҧыза-министр.