Иҳаҩсыз амчыбжь азы ҳоппозициаа ихьанҭаӡоу амшқәа рыхгара рықәшәеит, зны Европа Ахеилак амаӡаныҟәгаҩ хада ивизит мҩаҧган, ишубарҭоу ала, ари авизит ааха ҕәҕәа рнаҭеит, уажәы уи иацлеит  OSCE/ODIHR  аҳасабырба,  уи шьақәнарҕәҕәоит алхрақәа қәҿиарала ишымҩаҧгаз, — иҳәеит Қырҭтәыла аҧыза-министр иахьатәи апрессконференциаҿы.

Аиҳабыра рнапхгаҩы ишиҳәаз ала,  аоппозициааи ахада Саломе Зурабишвилии арҭ алхрақәа ирыдҳәаланы ахарадҵарақәа иқәдыргылеит,  аха,   OSCE/ODIHR  аҳасабырбала арҭ ахарадҵарақәа иаҧыхын.

«Абжьыҭира амаӡа иазкыз актәи ахарадҵара иаҧыхын. Аиммигрантцәа рыла абжьыҭира ҳалацәажәозар, OSCE/ODIHR  ахаҭарнакцәа ари азҵаара зынӡаскгьы хшыҩзышьҭра азырымуит. Убри аҟынтә, араагьы рхарадҵара иаҧыхын. Ахҧатәи  – акарусель, ишәгәалашәозар ҟалап, аоппозициаа ари аметодла 300 000 абыжьқәа ҧаршеизшәа рҳәеит, иара убас,  Саломе Зурабишвили алхыҩк  17-нтә ибжьы аиҭазшәа лҳәеит, ари ахарадҵарагьы иаҧыхын.  OSCE/ODIHR аҳасабырбаҿы ари азҵаара зынӡаскгьы иалацәажәом. Амчылара ҳалацәажәозар, дара акык-ҩбак афактқәа мацароуп иазгәарҭаз. Убри аҟынтә, аоппозициаа арҭ алхрақәа ирыдҳәаланы иқәдыргылаз ахарадҵарақәа зегьы иаҧыхын», — иҳәеит  Иракли Кобахиӡе.