Қырҭтәыла аҧыза-министр Иракли Кобахиӡе Иеиду Араҧтәи Емиратқәа атолерантра аминистр, ашеих Наҳиан бин Мубарақ Аль Наҳиан диҧылеит.

Аиҧылараҿы иаҵшьны иазгәаҭан Қырҭтәылеи Иеиду Араҧтәи Емиратқәеи рыбжьара еиуеиҧшым аусхкқәа рҿы қәҿиарала имҩаҧысуа аусеицуреи, ахәаахәҭра-економикатәи аинвестициатәи еимадарақәеи иаҳа рырҭбаара аганахьала иҟоу аперспективақәа.

Хшыҩзышьҭра рызун Қырҭтәыла иҟоу, иманшәалоу аинвестициатә лагылазаареи, абизнес адгылара иазку аҳәынҭқарратә программақәеи, хазхаҭалатәи асектор аконкуренциалшара ацхраара иазку апроектқәеи, азҳара иаҿу аекспорттә потенциали.

Иаҵшьны иазгәаҭан Қарҭтәи ибоу абаҕәаза апроект аҵаки  Абжьаратә корридор аҿиараҿы уи инанагӡо ароли, ари апроект мҩаҧысуеит Абу-Даби абаҕәазақәа ргәыҧ аинвестициала. Иара убас, аганқәа рхаҭарнакцәа, идуӡӡоу адевелопертә еилахәыра EMAAR аҟны қәҿиарала аиҿцәажәарақәа рхыркәшара иалацәажәеит, уи абзоурала, Қырҭтәыла зҵакы дуу аинвестициатә проектқәа нарыгӡоит.

Иара убас, хшыҩзышьҭра азун  атуризм аусхкы аҿы Қырҭтәылеи Иеиду Араҧтәи Емиратқәеи рыбжьара  аусеицура, уи аҿиара акырӡа иацхрааит авизадатә режим ашьақәыргылара. Аганқәа рхаҭарнакцәа еиуеиҧшым аусхкқәа рҿы ҩ-ганктәи аизыҟазаашьақәа иаҳа рырҭбаара ишазыхиоу шьақәдырҕәҕәеит.