Ҳхықәкы хада Евроеидгыла алалара ауп, уажәазы ари аганахьала проблемақәак ҳамоуп, арегионаҿ аҭынчра анышьақәгылалак, Қырҭтәыла аинтеграциа апроцесс интенсивла инагӡахап ҳәа ҳгәыҕуеит, – иҳәеит Қырҭтәыла аҧыза-министр Иракли Кобахиӡе Анталиа имҩаҧысуа Адипломатиатә форум аҳәаақәа ирҭагӡаны имҩаҧгаз апанельтә дискуссиа  – „Апартниорра амультиполиартә епохаҿы“ аҿы данықәгылоз.

Иракли Кобахиӡе иажәақәа рыла, аҿиареи еиуеиҧшым атәылақәа рҟны ииашоу аизыҟазаашьақәа рышьақәыргылареи азы аҭынчра аҭахуп.

„Алиансқәа ҳрылацәажәозар, ҳгәаанагарала еилкаауп, ҳхықәкы хада Евроеидгыла алалара ауп, уажәазы ари аганахьала проблемақәак ҳамоуп, ҳтәылаҿгьы, арегионаҿгьы, Украинагьы  аҭынчра анышьақәгылалак, Қырҭтәыла аинтеграциа апроцесс интенсивла инагӡахап ҳәа ҳгәыҕуеит. Ахҭыс бзиқәа ҟалап ҳәа ҳгәыҕуеит. Еиуеиҧшым атәылақәа реизыҟазаашьақәа аҭынчра ашьақәыргыларазы аҵакы ду рымоуп, убри аҟынтә, ҳрегионаҿ аҭынчра ашьақәыргылара азҵаара хшыҩзышьҭра ҷыда азутәуп, Ҭырқәтәылеи ҳареи ари ахырхарҭала аус еицаауеит, ари аҳәынҭқаррагьы аҭынчра ашьақәыргылара иазҿлымҳауп. Наҟ-наҟ ҳара аҭынчратә политика наҳагӡоит, атәыла аҿиара азҵаара аҧыжәара аҳҭоит, ҷыдала аекономикатә аҿиара, уи аимадара аиқәыршәара алшареи аекономикатә ҭагылазаашьеи иаҳа иарҕәҕәоит.  Аҭынчреи мышхәыбзазареи роуп аҳәынҭқаррақәа зегьы изызхәыцша“, – иҳәеит аҧыза-министр.